Íslenskir stjórnunarhættir

Íslenskt og japanskt fyrirtæki ákváðu að keppa í róðri á áttæringi. Liðsmenn frá báðum fyrirtækjum æfðu stíft og voru í toppformi þegar að sjálfri keppninni kom. Japanirnir urðu 1 km á undan íslenska liðinu.                                                                                                             

 

Eftir útreiðina var mórallinn að sjálfsögðu heldur slæmur í íslenska fyrirtækinu og yfirstjórnin ákvað að fyrirtækið yrði að vinna keppnina að ári. Var settur á fót vinnuhópur til að skoða vandamálið. Eftir heilmiklar pælingar komst vinnuhópurinn að því að Japanirnir létu sjö menn róa en einn stýra. Í íslenska liðinu var það einn sem réri og sjö sem stjórnuðu. Vegna þessarar miklu krísu afréð yfirstjórn íslenska fyrirtækisins að fá ráðgjafarfyrirtæki til að kanna strúktúr íslenska liðsins og gera nýtt skipurit ef á þyrfti að halda.                                                          

 

Eftir margra mánaða vinnu komust stjórnunarfræðingarnir að því að í íslenska bátnum væru  of margir sem stjórnuðu en of fáir sem réru. Með hliðsjón af skýrslu sérfræðinganna var strax ráðist í skipulagsbreytingar. Í stað þess að hafa sjö stýrimenn, einn áramann, voru nú hafðir fjórir stýrimenn, tveir yfirstýrimenn, einn leiðtogi stýrimanna og einn áramaður. Að auki var áramaðurinn “mótiveraður” samkvæmt meginreglunni: “að breikka starfssvið starfsmanna og veita þeim meiri ábyrgð”.                                                                                                       

 

Næstu keppni unnu Japanirnir með 2 km forskoti. Íslenska fyrirtækið rak að sjálfsögðu áramanninn vegna lélegrar frammistöðu, en greiddi bónus til stjórnarinnar vegna hinnar miklu vinnu sem hún hafði innt af hendi.

Athugasemdir

[Húnbogi Valsson (IP-tala skráð) 15.12.2008 kl. 00:06]

Hárrétt lýsing, nema að líklega hefðu íslendingarnir notað lúxussnekkju, sem einn maður reri meðan aðrir í áhöfninni voru á "vinnufundi", en japanirnir notuðu sérhæfðan kappróðrabát.

[Anna Karlsdóttir, 15.12.2008 kl. 00:14]

Góður þessi!

[Jón Halldór Guðmundsson, 15.12.2008 kl. 00:32]

Takk fyrir þetta.  Sennilega lærdómsrík saga.

[Hólmdís Hjartardóttir, 15.12.2008 kl. 00:50]

góð saga

[Steingrímur Helgason, 15.12.2008 kl. 01:03]

Alltaf klazzík þezzi saga...

[Sverrir Einarsson, 15.12.2008 kl. 02:21]

Hvað um að senda þessa sögu á Stjórnarráðið.imf.?

[Hildur Ólafsdóttir (IP-tala skráð) 15.12.2008 kl. 06:51]

Góður 

[Ásdís Sigurðardóttir, 15.12.2008 kl. 10:05]

klikkar ekki

[Haraldur Bjarnason, 16.12.2008 kl. 08:35]

Góð saga en "áramaður" er ekki gott orð. Ræðari væri betra.