Ísland ehf í greiðslustöðvun/öndunarvél á gjörgæslu

Í nútíma hagfræði er fyrirtækjum oft líkt við mannslíkamann.  Sagt er að þau séu lifandi einingar, “dýnamísk” kerfi, það þurfi að hlúa vel að öllum einingum þeirra þannig að fyrirtækinu/manneskjunni líði vel og geti starfað eðlilega. 

 

Veikist manneskja þarf að hefja lækningar sem eru mis umfangsmiklar eftir því hvað veikindin eru mikil.  Sama á við um fyrirtæki:  gangi reksturinn illa eða líði starfsmönnum illa, þarf að fara fram “sjúkdómsgreining” og síðan læknisaðgerð í kjölfarið.

 

Hafi nokkrir einstaklingar innan fyrirtækisins stolið fé frá fyrirtækinu þarf auðvitað að reka þá og þeir verða að svara til saka.  Hafi gjaldkerinn sagt við byrgja fyrirtækisins að fyrirtækið ætli ekki að borga reikninga óráðsíumannanna, hefur hann skaðað viðskiptavild fyrirtækisins, sennilega til frambúðar og hann þarf auðvitað að reka strax. Það þarf að stokka upp í æðstu stólum fyrirtækisins og í stjórninni ef koma á fyrirtækinu á réttan kjöl aftur.                                                                                                                    

Stundum er meðferðin erfið og bati hægur, allavega þarf að grípa til ráðstafana og það fljótt, annars fer allt á verri veg:  sjúklingurinn deyr/ fyrirtækið fer á hausinn.

 

Þjóðfélag er stærri eining fyrirtækja og einstaklinga. Sömu lögmál gilda þar að mestu leiti. Alls staðar í siðmenntuðum þjóðfélögum.  Nema á Íslandi: 

 

1.  Þar koma starfsmennirnir, óráðsíumennirnir,  fram í fjölmiðlum og kalla á vorkunn

2.  Gjaldkerinn sem klúðraði viðskiptavildinni og hjálpaði klíkunni í fyrirtækinu til þess að koma því á hvolf er enn við störf

3.  Forstjórinn og stjórn fyrirtækisins eru enn í sínum stólum, þeir sitja á fundum, gefa út yfirlýsingar og eru að reyna að kría út lán til þess að bjarga fyrirtækinu,en virka ekki traustvekjandi

4.  Meinið hefur ekki verið skorið burt, sjúklingurinn er í öndunarvél á gjörgæslu/ fyrirtækið er í greiðslustöðvun, nú eru allir í mat, það er starfmannafundur kl. fjögur.    

Ríkisstjórnin boðar blaðamannafund

Athugasemdir

[Haraldur Haraldsson, 14.11.2008 kl. 12:48]

hefði ekki orðað þetta betur!!!!/en kannski birtir eitthvað i dag/Halli gamli

[Hildur Ólafsdóttir (IP-tala skráð) 15.11.2008 kl. 08:35]

Góð samlíking.  Og læknarnir eru af gamla skólanum með þá skoðun innprentaða að best sé að segja sjúklingnum og aðstandendum hans sem minnst um stöðuna.