Botninn er suður í Borgarfirði

Í þjóðsögum Jóns Árnasonar segir af Bakkabræðrum:

"Á bæ þeim sem á Bakka heitir í Svarfaðardal bjó bóndi einn fyrir löngu. Hann átti þrjá sonu: Gísla, Eirík og Helga; voru þeir orðlagðir fyrir heimsku og heimskupör þeirra mjög í frásögur færð þó fæst þeirra verði hér talin."

"Þá keyptu þeir bræður einu sinni stórkerald suður í Borgarfirði og slógu það sundur svo það væri því hægra í vöfunum að flytja það.

Þegar heim kom var keraldið sett saman og farið að safna í það, en það vildi leka. Fóru þá bræðurnir að skoða hvað til þess kæmi. Segir svo einn þeirra: "Gísli-Eiríkur-Helgi, ekki er kyn þó keraldið leki, botninn er suður í Borgarfirði."

„Það versta er enn eftir," segir Oliver Blanchard í viðtali við þýska blaðið  Finanz und Wirtschaft, „og það mun taka langan tíma þar til ástandið verður eðlilegt á ný."

Segir þessi talnaspaki maður og hefur væntanlega rétt fyrir sér. Forsætisráðherra Íslands hefur hins vegar margoft sagt í fjölmiðlum að botninum sé "væntanlega" náð.  Ekki alveg trúverðugt.  Sennilega mikill frostavetur framundan næstu árin.   

Botni kreppunnar ekki náð

Athugasemdir

[Guðmundur Jónsson, 23.11.2008 kl. 11:03]

Ef þessi maður hefði verið spurður hvort botninum væri náð um svipað leit og Geir sagði svo vera hefði svarið sjálfssagt verið á anna veg enda var ekki búið að dæla prentuðum í peningum þúsundum miljarða dollar inn í  hagkerfi heimsins þá. í dag er það samt veruleikinn og það þarf engan snilling til að sjá að það bara gengur ekki. En samlíkingin er góð við söguna af bakkabræðrum

[Sverrir Einarsson, 23.11.2008 kl. 11:09]

Geir segir aldrei neitt sem hann veit að gæti styggt atkvæðin sín, hann trúir enn að það sé hægt að tala hlutina í lag.

[Hólmdís Hjartardóttir, 23.11.2008 kl. 11:17]

Gísla Eirík og Helga í stjórn.