Braskari og brallari

Mér hefur fundist þetta hugtak   “Útrásarvíkingur” villandi. 

 

Ég fór í íslensku orðabókina mína og fann þar eftirfarandi skýringar:

 

útrás,  kv.  1.  ós (vatnsfalls); afrennsli; útstreymi (t.d. lofts); op, skarð     2.  framrás úr vígi, það að ráðast fram úr vígi. 

 

víkingur, -s, -ar   k. 1.  norrænn sæfari, sem stundaði kaupskap, sjórán og strandhögg á víkingaöld.  2.  yfirgangsseggur, ójafnaðarmaður.  3.  dugnaðarmaður, maður sem afkastar miklu verki; v. til vinnu. 4. forliður samsetn., um dugnað, hörku, grimmd:  víkings/hestur  mjög duglegur hestur, -vetur grimmdarvetur.

 

Dæmi hver fyrir sig.  Mér sýnist að merking 2. í orðinu útrás merki aðallega hernað og ekki sýnist mér að hugtakið víkingur eigi við þá starfssemi sem iðkuð hefur verið af íslenskum fjármálamönnum undanfarin ár. Aftur á móti getur víkingsvetur þýtt grimmdarvetur sem þýðir frosthörkuvetur eða óhemju kaldur vetur sem á kannski vel við ( í óeiginlegri merkingu). 

 

Í orðabókinni íslensku er orðið braskari skilgreint þannig:

 

braskari, -a, -ar k,  brallari, sá sem leggur stund á gróðabrall, prangari.