Það var lagið!

Hvað er jákvætt við að vera Íslendingur?  

 

Í svartnætti og bölmóði síðustu vikna gleymist því miður oft að minnast að hið jákvæða við að vera Íslendingur og búa á Íslandi. Við búum í lýðfrjálsu landi, við eigum fallegt land með hreinu lofti og hreinu vatni, við erum menntuð þjóð og harðdugleg, við eigum auðlindir, við eigum menningu og eigið tungumál.                                                                                                         

Við höfum því allar forsendur til þess að geta lifað góðu lífi. Og við höfum reyndar búið við góðæri (sumir segja reyndar gróðæri) síðustu árin. En það eru ekki alltaf jólin og nú hefur syrt í álinn.  En við gefumst ekki upp þótt móti blási, nú þarf að sýna einhug í verki og samstillt áratak. Bjartsýni og þor mun fleyta okkur áfram samanber þessa frétt um opnun nýrrar verslunar í miðri kreppunni.      

 

Þetta sá ég einhvers staðar skrifað:

„Þegar lirfan hélt að lífið væri á enda þá breyttist hún í fiðrildi“.

Opna í miðri kreppunni