James Bond - íslensk útgáfa

 

Snilldarvel samsett ný útgáfa af James Bond, það kostar ekkert að fara á þessa mynd.  Smellið á slóðina hér fyrir neðan og setjið bendilinn, þegar myndin opnast  í gin ljónsins (!?)

http://www.eignaland.is/veftv//default.asp?CategoryID=49&MovieID=614

Holdgervingar hrokans

Hefur formaður Sjálfstæðisflokksins horft á þetta myndband? 

Er kominn tími til að tengja?

Óttumst ekki kosningar

Myndband Láru Hönnu / snilldarverk

 

Tilvistarkreppa Sjálfstæðisflokksins hefur verið opinberuð.  Flokkurinn stendur frammi fyrir algjöru hruni af margvíslegum ástæðum m.a. skorts á úrræðum við núverandi aðstæður, sofandahátt og aðgerðarleysi fyrir hrun bankanna, hagsmunatengsl varaformannsins við Kaupþing hið gamla, stuðning formannsins við formann bankaráðs Seðlabankans Davíð Oddsson o.s.frv. 

Í snilldar vel gerðu myndbandi Láru Hönnu Einarsdóttur sem finna má á blogsíðu hennar er þessu gerð vel skil.  Horfið á fyrir fundinn í dag á Austurvelli. 

http://larahanna.blog.is/blog/larahanna/

Hótel Skuld / þú getur bókað þig út, en aldrei farið

Við hjónin fórum á tónleika með The Eagles á O2 leikvanginum í Lundúnaborg í vor.  Gömlu brýnin voru jafn góð ef ekki betri en fyrir 30 árum.  Hér er upptaka frá þessari sömu tónleikaför þeirra félaga, gamli slagarinn Hotel California, sem er orðinn sígildur.  Innihald textans er dálítið djúpt og má túlka á ýmsa vegu:  “you can check-out any time you like, but you can never leave”.  Er það þannig með skuldaklafa íslenskra heimila í dag?  Þú getur bókað þig út, borgað af, en þú losnar aldrei?  Er verið að skuldsetja börnin okkar og afkomendur þeirra á sama hátt með láni frá IMF?  Losna þau aldrei?

Fundur George Bush með Davíð Oddssyni/myndband

Á þessari slóð Hvíta hússins er fundur George Bush og Davíðs Oddssonar, þáverandi forsætisráðherra, sumarið 2004 en þá sveik forsætisráðherrann íslensku þjóðina og gerði okkur að bandamönnum í Íraksstríðinu.  Bara eitt dæmið í viðbót sem staðfestir að þessi maður er hættulegur.

 Það er hægt að horfa á fundinn með því að ýta á "video(real)" í horninu ofarlega til hægri.

http://www.whitehouse.gov/news/releases/2004/07/20040706-2.html

 

Leiðtogafundur í Washington

Davíð, Hannes, Kári og DeCode

Þessi maður talaði Íslendinga inn á að kaupa hlutabréf í DeCode.  Hann sagði DeCode vera eina mestu blessun íslensku þjóðarinnar.  Hann, Kári Stefánsson og Hannes Smárason hittust á fundum og réðu ráðum sínum hvernig þeir gætu komið þessum skilaboðum til íslensku þjóðarinnar.  Þetta var upphafið að kaupaæði Íslendinga í hlutabréfum.  Þúsundir Íslendinga, einstaklinga og fyrirtækja, hafa tapað óhemju fé, sennilega einhverjum tugum milljarða, á þessari svikamyllu. 

Lífróður deCODE

Fimmtudagur 30. október 2008 kl 19:47

Höfundur: Ritstjórn DV ([e-mail])

Nánar um málið í DV í dag.

DeCODE, móðurfélag Íslenskrar erfðagreiningar, var upphafið að hlutabréfakaupæði Íslendinga. Fyrirtækið var fyrsta íslenska fyrirækið sem skráð var á bandarískan hlutbréfamarkað og útlitið var bjart í júlí árið 2000. Gengi á hlutum deCODE mun hafa farið á allt að 65 dollara á hlut á gráum markaði fyrir skráningu á Nasdaq Global-hlutabréfamarkaðinum.

En gengi þess hefur verið rysjótt í gegnum tíðina og nú horfir svo við að deCODE genetics á það á hættu að vera hent út úr Nasdaq, þar sem gengi bréfanna hefur verið of lágt of lengi. 6. október síðastliðinn var fyrirtækið sett á athugunarlista þar sem verðgildi hlutabréfa fyrirtækisins höfðu verið undir 50 milljónum dollara í tíu daga, það er að segja, hver hlutur var undir einum dollara. Þegar markaðirnir lokuðu á Nasdaq 21. október stóð gengi deCODE í 36 sentum á hlut.

Tortímandinn /The Terminator / Oddsson

 

Margir hafa séð myndirnar Terminator (Tortímandinn) sem hlýfir engu og tortímir öllu í kringum sig. 

Þegar Davíð Oddsson var forsætisráðherra samþykkti hann fyrir sína hönd ( en ekki þjóðarinnar) þátttöku okkar Íslendinga í Íraksstríðinu.  Þess verður ætíð minnst.

Davíð Oddsson,núverandi seðlabankastjóri,  kom því til leiðar í sjónvarpsviðtali að Íslendingar, sem ávallt hafa verið stoltir af þjóðerni sínu, skammast sín nú á erlendri grundu fyrir þjóðerni sitt.  Þess verður ætíð minnst. 

Á heimasíðu Hvíta hússins (smellið á slóðina hér fyrir neðan ) er upptaka af fundi þeirra stríðsherranna Bush og Davíðs.                                                                                  

Hluti úr samtalinu á fundinum:    

 

PRIME MINISTER ODDSSON: Well, I just -- on this, I must say I agree with the President about Iraq. The future of Iraq is -- the future of the world is much better because of the undertaking that the United States, United Kingdom and their alliances took there. And without that done, the situation in that area of the world would be much more dangerous than it is now. There's hope now. There was no hope before.

PRESIDENT BUSH: Thank you, Mr. Prime Minister.

(Everyone sings "Happy Birthday" to the President.)

http://www.whitehouse.gov/news/releases/2004/07/20040706-2.html

 

Lokaniðurtalningin

 

Skipuð verði Evrópunefnd

Ísland ehf í greiðslustöðvun/öndunarvél á gjörgæslu

Í nútíma hagfræði er fyrirtækjum oft líkt við mannslíkamann.  Sagt er að þau séu lifandi einingar, “dýnamísk” kerfi, það þurfi að hlúa vel að öllum einingum þeirra þannig að fyrirtækinu/manneskjunni líði vel og geti starfað eðlilega. 

 

Veikist manneskja þarf að hefja lækningar sem eru mis umfangsmiklar eftir því hvað veikindin eru mikil.  Sama á við um fyrirtæki:  gangi reksturinn illa eða líði starfsmönnum illa, þarf að fara fram “sjúkdómsgreining” og síðan læknisaðgerð í kjölfarið.

 

Hafi nokkrir einstaklingar innan fyrirtækisins stolið fé frá fyrirtækinu þarf auðvitað að reka þá og þeir verða að svara til saka.  Hafi gjaldkerinn sagt við byrgja fyrirtækisins að fyrirtækið ætli ekki að borga reikninga óráðsíumannanna, hefur hann skaðað viðskiptavild fyrirtækisins, sennilega til frambúðar og hann þarf auðvitað að reka strax. Það þarf að stokka upp í æðstu stólum fyrirtækisins og í stjórninni ef koma á fyrirtækinu á réttan kjöl aftur.                                                                                                                    

Stundum er meðferðin erfið og bati hægur, allavega þarf að grípa til ráðstafana og það fljótt, annars fer allt á verri veg:  sjúklingurinn deyr/ fyrirtækið fer á hausinn.

 

Þjóðfélag er stærri eining fyrirtækja og einstaklinga. Sömu lögmál gilda þar að mestu leiti. Alls staðar í siðmenntuðum þjóðfélögum.  Nema á Íslandi: 

 

1.  Þar koma starfsmennirnir, óráðsíumennirnir,  fram í fjölmiðlum og kalla á vorkunn

2.  Gjaldkerinn sem klúðraði viðskiptavildinni og hjálpaði klíkunni í fyrirtækinu til þess að koma því á hvolf er enn við störf

3.  Forstjórinn og stjórn fyrirtækisins eru enn í sínum stólum, þeir sitja á fundum, gefa út yfirlýsingar og eru að reyna að kría út lán til þess að bjarga fyrirtækinu,en virka ekki traustvekjandi

4.  Meinið hefur ekki verið skorið burt, sjúklingurinn er í öndunarvél á gjörgæslu/ fyrirtækið er í greiðslustöðvun, nú eru allir í mat, það er starfmannafundur kl. fjögur.    

Ríkisstjórnin boðar blaðamannafund

Elín þátttakandi í sukkinu

Það væri forvitnilegt að vita hversu margra milljarða lán til gæluverkefna Elín bankastjóri skrifaði upp á í sínu fyrra embætti í Landsbankanum.  Hún átti jú stóran þátt í útlánasukki Landsbankans gamla.  Nú er hún allt í einu komin í gullstól og með geislabaug. 

Bankastjórar fyrir viðskiptanefnd