Maður kemur ekki í manns stað

 

Nú er hún Snorrabúð stekkur.  Það kemur enginn í stað Guðna, hvað svo sem  má annars um hann segja.  Hann er alla vega heiðarlegur maður og hefur þurft að takast á við mjög erfið verkefni undanfarin misseri. Láir honum enginn að vilja hvíla sig frá því starfi.  Þeir hverfa af Alþingi sem einhver töggur er í og hafa sett svip á þingið.  Annars er þetta nú fremur einsleitur hópur.  Eftir sitjum við með æruupprisna fanga, einstaklinga sem enginn hefur heyrt nefnda á nafn og svo liðið allt sem svaf á verðinum og kannast ekki við að það eigi þátt í því hvernig er komið fyrir íslensku þjóðinni.

Nær væri að einhverjir þeirra segðu sig frá þingstörfum, þjóðin veit hverjir þeir eru og þeir væru ekki minni menn fyrir, eða hvað?

Eygló tekur sæti á þingi

Húsdýragarðurinn við Austurvöll

Vinna þessir menn í þessu sama húsi við Austurvöll þar sem þetta myndband er tekið upp? 

Sakar ráðherra um óheilindi

LánaDROTTNAR og skuldunautar

Percy, eða hvað hann heitir nú sá ágæti maður, er auðvitað alveg nákvæmlega sama um hvort "íslenskt efnahagslíf nær sér á strik sem fyrst "eða ekki svo framarlega sem við borgum og bandalagið geti haldið áfram að kúga smáar þjóðir.  Veit hann að það var formaður bankastjórnar seðlabankans sem hratt þessari skriðu af stað?

Ánægður með samninginn við ESB

Kosningaáróðurinn hafinn?

 

Rétt enn og einu sinni er byrjað á vitlausum enda.  Hvernig væri að taka til heima hjá sér fyrst.  Nú reyna þessir höfðingjar sem sváfu á verðinum meðan hryðjuverkjahópurinn fór ránshendi um bankana að kaupa sér atkvæði á auðveldan hátt.  Verður þessi maður áfram við völd?

Drög lögð að umsókn um ESB-aðild?

Er hægt að fela ljúgandi augu?

Skilaboðin voru skýr

Allt í góðum gír á Fróni

 

Ógleðibankastjórinn

 

 Eigum við og afkomendur okkar að sjá um skítverkin fyrir þennan mann?

 

Gleðibankinn

Tíminn líður hratt á gervihnatta öld

Hraðar sérhvern dag, hraðar sérhvert kvöld

Ertu stundum hugsandi yfir öllum gulu miðunum

Þú tekur kannski of mikið út úr Gleðibankanum

Hertu upp huga þinn, hnýttu allt í hnút

Leggur ekkert inn, tekur bara út

Syndir þínar sem þú aldrei drýgðir sitja í þankanum

Óútleystur tékki í Gleðibankanum

Icesave-deilan leyst

Hreinsun á undan uppbyggingu

Það er hverjum manni ljóst sem fylgst hefur eitthvað með gangi mála á Íslandi hverjir bera ábyrgð á hruni íslenska efnahagslífsins.  Það þarf ekki fleiri hagfræðinga til þess að svara þeirri spurningu. Þetta eru fjórir hópar.  Enginn hefur þó enn verið dreginn til ábyrgðar.  Allir benda þeir hver á annan:  

1.  Hryðjuverkahópurinn  

1.    Björgólfur Thor Björgólfsson   2.    Björgólfur Guðmundsson    3.    Magnús Þorsteinsson 4.    Ágúst Guðmundsson    5.    Lýður Guðmundsson   6.    Sigurður Einarsson   7.    Hreiðar Már Sigurðsson   8.    Jón Ásgeir Jóhannesson   9.    Kristín Jóhannesdóttir  10.  Ingibjörg Pálmadóttir  11.  Gunnar Smári Egilsson   12.  Gunnar Sigurðsson  13.  Pálmi Haraldsson   14.  Jóhannes Kristinsson  15.  Magnús Ármann  16.  Þorsteinn M. Jónsson  17.  Kári Stefánsson       18.  Hannes Smárason   19.  Kristinn Björnsson  20.  Magnús Kristinsson   21.  Bjarni Ármannsson      22.  Róbert Wessmann 23.  Ólafur Ólafsson 24.  Karl Wernersson  25.  Þorsteinn Már Baldvinsson   26.  Sigurjón Árnason    27.  Halldór Kristjánsson. 

 2.  Fjármálaeftirlitið

3.  Seðlabankinn (bankastjórar og stjórn)

4.  Ríkisstjórn Íslands

Í áætluðu samkomulagi við Breta og Hollendinga um greiðslu á innistæðum þeirra felst  viðurkenning á því að stjórnvöld hafi brugðist. 

Ofangreindir fjórir hópar hafa valdið því að eignir landsmanna hafa rýrnað um að minnsta kosti 20-30%, hugsanlega meira þegar til langs tíma er litið.

Eignir lífeyrissjóða og þar af leiðandi lífeyrisgreiðslur hafa rýrnað um 20-30% að minnsta kosti.

Fyrirhuguð er mikil skuldsetning þjóðarbúsins.  Þeir sem eiga að borga skuldirnar eru núlifandi Íslendingar og afkomendur þeirra næstu áratugina.

Orðspor Íslands og Íslendinga hefur beðið varanlegan hnekki í alþjóðasamfélaginu sem mun valda ómældu tjóni næstu árin og hugsanlega lengur á öllum sviðum þjóðlífsins. 

Það ætti því að vera auðskiljanleg og eðlileg krafa að fyrsti hópurinn, hinir sönnu hryðjuverkamenn, verði dreginn fyrir rétt og verði gert að skila því sem eftir er af ránsfengnum og hljóti dóm í kjölfarið, öðrum   til viðvörunar, ekki síst eftirlifendum okkar.

Hitt ætti einnig að vera lýðum ljóst að hópar 2, 3 og 4 þurfa að hverfa úr sætum sínum sakir vanhæfni til þess að gegna störfum sínum.

Við þurfum að byggja upp samfélag okkar á ný, á rústum byggingar sem hefur hrunið af manna völdum.  Það næst aldrei sátt um hvernig að málum skuli staðið nema því aðeins að þeir sem stóðu að hruninu hverfi frá.  Það ætti þeim sjálfum að vera löngu ljóst enda þótt þeir lifi í stöðugri afneitun og sjálfsblekkingu.

Þetta eru einföld atriði sem ættu að vera auðskilin.  Þau hafa verið gerð heyrinkunnug af þjóðinni undanfarnar vikur í fjölmiðlum, á fjölmennum útifundum og víðar.  Þar sem þau virðast ekki hafa náð eyrum ráðamanna  eru þau endurtekin hér.  

Það gleymdist að taka til heima

 

Ég ætla ekki að segja LOKSINS LOKSINS!  Húsráðendur  hafa margtuggið að nú sé lánið frá hverfasamtökunum rétt handan við hornið.  Öll orka hefur farið í að bíða eftir hjálp úr næsta húsi á meðan allt fer til andskotans heima fyrir.  Það gleymdist að taka til heima , sama fólkið sem kom öllu á annan endann situr við eldhúsborðið og drekkur kaffi.  Siðblindir ofdekraðir krakkar sem hafa verið gjörspilltir af eftirlæti væla út í horni og orga:  "hann gerði það, ekki ég".  Er ekki kominn tími til þess að einhver sópi þessu liði út og fari að taka til almennilega heima? 

Þessi hjálp úr næsta húsi er sennilega mesta niðurlæging Íslandssögunnar.  Nú kysstum við á vönd kúgarans. 

Lánsumsókn Íslands hjá IMF afgreidd á miðvikudag